فى ناس عايشة حياتها وخلاص وناس تانية حاسبة حياتها وعارفة هى بتعمل إيه ناس ليها هدف بتسعى ليه وتقريبا النوعية دى من الناس دايما تلاقى بالها مشغول وبتفكر .. هدفهم بيخلى عقلهم يدور ويفكر وبيتعمقوا جواه نفسهم جدا ... كتير منهم بيكتشف حاجات كتير جواهم من افكار لقدرات لمواهب يقدروا يعملوها وهيبقوا ناجحين جدا فيها حتى لو بيحلموا بعيد اووى المهم انهم عارفين أحلامهم فين وهيوصلوا ازاى وامتى ....بس !!!بس لو جت لهم الفرصة .. من وجهة نظر العيال سهل أووى اننا نكتشف جواناا قدرات بس مش سهل ان تيجى الفرصة اللى نحقق بيها الاحلام والقدرات دى ..دايما اللى بيبقى ناقصنا الفرصة ! .. مساحة نقدر نحقق بيها كل اللى بنحلم بيه وحاسيين اننا هنقدر نشتغل فيه وبنتخيل نفسنا ناجحين جدا .. حتى لو كنا موهومين .. بس ادينا بنحلم .. وبنحاول ندور جوانا علشان نوصل للنجاح ونبقى مرتاحين !بس...لما بنلاقى الدنيا أفلت معانا ومافيش حتى ربع فرصة نحقق بيها احلامنا .. بنزهق من الحلم وبنتعب من الناس اللى مقيدانا .. اصل القيد ده اول مابيخنق بيخنق صاحبه ويخليه مكره من اللى بيقيده .. المشكلة اننا لما بنلاقى اول حيطة بنقف وعيط لاننا مش قدرين نهد الحيطة دى .. بنيأس من غير مانجرب طيب أزاى !اصل عادى ..عادى نحلم ونلاقى قيود .. عادى نعرف احنا ممكن ننجح فى ايه ومانلاقيش فرص ! .. يمكن كمان احنا مش بنلاقى الفرص علشان احنا اللى المفروض بنصنعها واحنا مش واخدين بالنا .. المشكلة ان الواحد مش عاوز يتعب .. وبيزعل لما مايلاقيش فرصة .. طيب انت عرفت انت عاوز ايه وحلمت .. بس ماحققتش ولا بتحاول والشماعة هى الفرصة ! ده كلام !هدفك ماسعتلوش .. ومش هتوصل طوول ماانت خايف من القيود اللى حواليك ! .. القيود ليها فترة وهتروح هتتفك وانت برضو اللى بأيدك تفكها .. بس اصبر وماتيأش .. قووى حلمك ماتضعفوش ..وتبقى غبى لو جاتلك فرصة تفك بيها القيود وتوصل للحاجة اللى انت عارف انك ناجح فيها وترفضها او تتهاون فامتوصلش ! ..!!
هــيا حـسن
0 comments:
إرسال تعليق