فى مساء كل يوم ينظر من نافذة غرفته بعمق وانتباه شديد عذرا فهو لم ينظر من النافذة ليشاهد كيف يتعامل البشر وأيضا لم ينظر منها على أرضا خضراء لتستريح عيناه ويصفى قلبه بل فأنه فقط اعتاد على المحاكمة فى هذا المكان .. نعم يحاكم ويتحدث مع نفسه كل ليلة فى بعض الاوقات بقوة وشدة وعنف والبعض الاخر بطيبة وانكسار وضعف .. فهو يعتقد ان هذه هى الحياة بعض من التشائم واليأس والحزن يصاحبهم شعور بالسعادة والنجاح والامل .. خليط من المشاعر المتناقضة .. من الممكن ان تطلق عليها "الجنون " ولكن هذه هى الحياه من وجهة نظره ..واليوم سيتحدث معها بكل صراحة وحب وستحدثه نفسه بكل حزن وانكسار وألم ..!!
هو : مرتاحة
نفسه : يعنى
هو : امال مالك ؟
نفسه : حسة بألم فى قلبى
هو : موجوعة !
نفسه : جدا وانت السبب
هو : انا السبب ليه بس ماانا اللى دايما بقولك اقفى وقولى واتكلمى وماتسمحييش .. انت اللى كل ماحد يزعلك .. تبكى وتصرخى ومايسمعكيش غيرى !
نفسه : هو ممكن يكون فى قلب موجوع بس مش زعلان ؟
هو : وضحى ..
نفسه : يعنى ممكن اتوجع بس ماازعلش من اللى وجعنى ؟
هو : ازاى ؟
نفسه : ماانت قولت انى دايما لما بيحصل حاجة بتوجع أووى وببكى وبكتئب وكتير باأجى على نفسى علشان الناس وعلشان مازعلهمش وساعات بسيبهم يتهمونى بعادات وعيوب مش فيا ويجرحوا فيا بس علشان بخاف على زعلهم علشان مش بعرف انام وهما زعلانين منى خصوصا اللى بحبهم..
هو : واشمعنى اللى بتحبيهم !
نفسه : علشان انت لو بتحب حد بجد هتحس بيه .. ولما ازعل او اتجرح اللى بيحبنى هيعرف كويس من نبرة صوتى وهمسى وحتى سكوتى .. انا مش غامضة علشان مايفهمونيش .. واصعب وجع من حبايبك بيكون والاصعب ان بعد مايوجعوك لازم تضحك وتبتسم ولا كأن فى جوااك خنجر طعنوك بيه.. وغير كده ممكن يكونو قصدين الخنجر ده وتكتشف ان حبهم ليك وهم .. وانك انت اللى عبيط فى الاخر ..!
هو : انت حيرتينى وتعبتنى ووجعتينى أووى .. مش عارف اجاوب بس عمر ماالتسامح كان غلط او جريمة .. حتى لو بيوجع وبيقتل فاعتبريه ضريبة حبك للناس .. التسامح عمره مكان غلط .. بس ماتوصلهوش للدرجة اللى توجعك .. هما اللى مش عارفين قيمة حد بيسامح فى الزمن ده .. مش عارفين قيمة حد بيدور على سعادة الناس قبل سعادته ومش لازم تندمى .. صدقينى هما اللى هيندموا وهيجوا جرى يترجوكى تسمحييهم !!
وانتهى الحديث على ماهو عليه ولكن نزلت دمعته على حال نفسه .. لماذا لا يقدر البشر من يحبهم .. ولماذا لم يقدروا ويقيموا معادن الاخرين .. اعتقد لانهم معدنهم سئ وقليل القيمة لذلك لم ولن يعرفوا قيمة مالديهم ألا اذا ضاع منهم بلا رجعة ..و لكن استمر السؤال فى ذهنيه وخياله .. هل يصلح ان يُجرح قلب دون ان يحزن ... !! ... اززززززاى !
هيا حسن
0 comments:
إرسال تعليق