اتعودت من صغرى إنى لما احزن من جوايا اووى اكتب ومن تأثيرى وانا بكتب حرف حرف وبحكى للـ ورق أبكى .. عمرى مابعرف اطلع همى غير وانا بكتب بـ بكى بيطلع بصدق أووى وبرتاح بعدها جدا .. أول مرة ماعرفش ابكى وماعرفش اكتب .. خايفة وحزينة وبجد جوايا حزن غريب .. انا دايما لما بيبقى فى حاجة جوايا مش ببينها دلوقتى انا مش عارف اضحك ضحكتى "مفؤسة أوى" . اقسم باللى خلقنى انى يوم ما حصل موضوع المنتخب والمصريين ماعرفتش انام غير لما اطمنت ان جزء منهم وصل حتى بعدها فضلت قاعدة على السرير بفكر افكار شيطانية جدا .. من جوايا كنت مرعوبة .. احساس اى حد بعدم الامان ده كارثة من كوارث الدنيا .. انا بحب مصر جداا بس انا عارفة اننا لينا نظام .. حاجة تحصل تجرحنا نقول هنعمل وهنعمل نعمل مظاهرات ونهاجم ونتحرق من جوانا .. وبعدها بـ وقت بسيط تلاقى الحياه مشيت وكملت ولا حاجة من اللى فكرنا وقولنها حصلت .. احنا بوء .. اللى زعلان يزعل .. بس دى حقيقة .. يعنى اكيد انا محروقة من كلمة صهاينة دى ومش محتاجة انى اوجع نفسى اكتر .. وادينى بقولكم اهو ... البلد هتهدى بعد شوية ومافيش حاجة هتحصل .. زى الدنمارك ! .. بس انا مش ههدى لان احساسى بعدم الامان ده مش سهل يروح دة اذا كان مش عندى من قبل حداثة الجزائر فى السودان ..انا بس قررت انى مش هحرق دمى بـ الفيديوهات اللى بنشوفها وقررت انى مش هدخول على النت كتير غير لما تهدوا وتفكروا شوية بموضوعية ..نرجع لحزنى بقى .. انا قبل الماتش اللى فى السودان ده كنت مقررة انى هعيد حسباتى مع الناس اللى حواليا .. مشكلتى انى سهل اسامح وسهل احب وسهل ادى وبصبر كتير أووى بس لما اصبر اصبر والاقى الشخص ده زى ماهو وبرضوا مازال بيتعمد جرحى بيتحول التسامح والحب والصبر لحاجات تانية ممكن تخسرنى اللى قدامى من غير حتى مادمعة من عينى تنزل سهل قلبى اللى مليان حب يتحول لكره وغباء .. بس والله العظيم بيبقى بعد عناء وصبر مش طبيعى ..ولما بحس ان قلبى فيه نقطة شر بكره نفسى وبهرب من نفسى علشان احاول اهديها بالنوم بقى بالاستهبال بـ اى طريقة المهم انى ماحسسهاش انها وحشة وغبية .. لانها بتكون كده فعلا .. انا مش بشتم نفسى .. بس اى انسان عنده جزء خير وجزء شر بيعرف امتى يطلعهم واللى يقولك انه صافى ومافيش زيه ده بيبقى انسان مصتنع وكذاب ... انا محتارة بس الاكيد ان الفترة الجاية دى هرجع تانى االامان لنفسى بنفسى .. انا جوايا معركة وخناقات كتيرة كبيرة اقوى من جزائر ومصر .. ولو فتشتوا جواكوا شوية هتعرفوا ليه الجزائر قدرت تعمل فينا كده .. انا من جوانا مهويين اووى .. بس فلحيين نطلع شوية واحنا دمنا محروق .. حرقة اى شرقى يعنى .. وبعدين بنهدى .. بس احنا فينا بلاوى وبجد بلاش تقولوا احنا لازم نتحد ونعمل ونسوى لازم تعيد حسابات كل مصرى .. كل واحد لو بقى فـ حاله شوية واحترم نفسه وفكر لوحدة ثانية .. اقسم بالله تعالى هنعرف نرد حقنا وهنعرف نبقى احسن شعب فى الدنيا .. فكروا شوية ان فى ناس فى بلدك ماتعرفش حاجة عن الماتش ده ناس مش عارفة تزعل ولا تفرح فى بلدها .. روح اى عشوئية وانت بجد هتشوفهم .. يارب مش بطلب منك ترجعلنا منهم حقنا على قد مابطلب انك تقوينا وترجع لنا حقنا من بعض يارب بطلب منك تفوق كل واحد .. يارب بطلب منك ترسيينى على بر وترجع لى الامان فى بلدى ووسط صحابى واهلى .. يارب
خليكوا عارفين ان قله الامان جاية من قلة او عدم الايمان .. يارب نقرب منه اكتر ومانضيعش وقت علشان اننا حسه ان مابقاش فيه وقت
الكلام ممكن مايكونش مترتب .. اعذرونى
هيا حسن
0 comments:
إرسال تعليق