مجنونة .. ليه لأ ما الجنان فى الزمن ده حاجة عادية بس أكيد مع إختلاف نوع الجنان .. أنا جنونى عبارة عن إنى بدى لكل احساس حقه أووى بس مش قدام كل الناس القريبيين منى بس هما اللى بيعرفوونى كويس وقت ماأكون زعلانة أو فرحانة وبعرف إزاى أقول أنا مبسوطة أو إزاى أبين أنى .زعلانة.. مع إنى أستاذة فـ عدم توضيح مشاعرى ..أتعودت لما أبص فى وش حد أضحك حتى لو هم الدنيا كله فووق راسى .. أصل الدنيا والله مانقصة إننا نكشر فى وش بعض بحاول على قد ماقدر اكون ضيف خفيف وصاحب ظريف علشان كل إنسان بيبقى له طاقة على التحمل وانا مش هشيل حد همه وهمى! .. بس للاسف مش كل حد بضحكله بيفهم ضحكتى وده حاجة بتوجعنى !مشكلة كبيرة جدا انك تبقى كريم فى مشاعرك لأن الكرم ده ماحدش بيفهمه خاالص بالذات فى بداية علاقتك بـ حد لازم بيفتكرك أهبل ويسوق فيها هو كمان الهبل .. كمان .. الكرم فى اول العلاقة نهايته ندم علشان انت بتدى اووى ومش بتاخد حاجة فى اغلب الاوقات .. أووعى تدى بس ..هتتعب!ربنا عمره مابيسيب حد من غير أفراح .. وعمره مابيسيب حد من غير مشاكل وفى الحالتين بيبقى الامتحان صعب وطويل .. مع اول استسلام بتبان عنده " سبحانه وتعالى" مهزوز اووى وعند الناس ضعيف أووى ... أفرح وقت ماربنا يجبلك الفرح وبرضو احزن وقت ماربنا يجيب لك الحزن .. مادورش عليهم علشان مش هتحسهم ..يعنى إيه غيرة ! .. بجد يعنى إيه إنك تغير من حد علشان أى حاجة .. مش انت عندك نفس اللى عنده .. إيدين ورجليين وقلب وعقل! .. هتغير منه ليه بقى .. لسه مجربتهاش ومش هجربه لانها حاجة من راابع المستحلات انها تكون فيا .. محدش على الارض هيقدر يخليينى اشك فى نفسى أبدا .. صعب يتقال عليا انا بالذات بغير .. الحمد لله زى مابيقولو عينى ملياانة .. لو عااوز تهرب بجد من مشكلة او عندك اكتئاب ... نااااااام نااام كتير أووى هتلاقى نفسك بترتاح وبتهدى.. خصوصا لو انت من الاشخاص اللى بتفكر كتير قبل ماتنام .. بس أووعى تفتكر إنه كده المشكلة اتحالت .. اهرب زى ماانت عاوز بس اعرف انك لازم تواجة فى الاخر .. حتى لو كان غصب عنك .. !لو مش عاوز تبكى وتحزن .. ماتسبتش نفسك على الارض .. خليك زى الفراشة الطايرة حتى لو ماعندكش قدرات حريتها ورشقتها .. حس أحساسها وغمض عينيك وهي مفتحة .. هتنسى البكى والحزن .. وياريت قبل ماتعمل كده تصفى نفسك خالص وتبتدى بـ نية جديدة لانج ..الخيال .. من اخطر الحاجات اللى فى حياتنا هو الخيال .. ممكن تعيش جوه خيال مجرد خيال وتقع على جدور رقابتك .. تأمل واحلم وتخيل .. بس خليك عارف إن فيه حدود فا لازم ما تتعدهاش .. لانك عارف إن خيالك هى حاجة بتتمنها أو جزء من حاجة بتتمناها ومش لاقيها فـ عقلك بيخيلك احساسك أو شكلك فيها وبتبقى جميل أوى بس لما تفوق و ماتلاقهوش هتخد ألم ماحصلش شوية كلام جوايا .. اللى بتكلم معاه برضو جوايا.. مش هدفى انى انصح خالص انا بس بفكر بصووت عااااالى ..
هيا حسن
09/11/27
0 comments:
إرسال تعليق