من غير مقدمات ... هتكلم عن شوية حاجات ... من غير اى تجميلات ... من غير كلكعة وكلام خطبات ..هتكلم واقول افكارى عن الحياه .. !انا بعترف جدا بحب النفس والفخر بيها والتسامح والتفاهم معها لان كل انسان لازم يبقى طبيعى وسليم وناجح لازم يحب نفسه ويفهمها .. وخدوا بالكوا من يفهمها دى ... بس مش شرط كل العالم يعرف انى بحب نفسى وانى فاهمها مش شرط اتباهى بانى بحبها وبعشقها وبموت فى هواها .. هما ايه لازمة انهم يعرفوا .. لو فكرتوا كده شوية .. ان الناس لو عرفت انك بتحبها أووى وقعدت تتبها بيها ياهيقولو ليك .. مغرور .. يا ... انانى .. ودوول انطبعيين مش بيتغيروا بسهولة .. انا بحب نفسى ومتفاهمة معها .. بس انت مش شرط تبقى عرفها .. ومش مهم علشان ابقى مخنوقة يبقى انا تاية جوايا ... .. فيها ايه لما يقولولك انت طفل لسة بتكتشف الكون حوليك! .. هما كده بشتموك ولا ايه .. اصل اى حد يتقال له كده .. يزعل .. على فكرة بقى مافيش انسان على الارض مش طفل .. حتى لو شعرك شاب وسنانك اتخلعت وعرفت حاجات بعدد ايام عمرك .. انت لسه طفل صغير بيكتشف الكون لحد ماتمووت .. الدنيا كبيرة أووى وفيها حاجات كتير مانعرفهاش وهنعيش ونموت منعرفهاش .. هى دى الحياه ... !عيوبى كتير واحسن حاجة انى عارفها ومعترفة بيها .. كتير بفكر .. ونفسى اتخلص منها .. بس مهما اتخلصت وبقيت احسن هيفضل عندى عيووب .. اصلنا بشر .. ولا ايه ! اللى بيتكلم بصوت عالى مش بسمعه او بعمل نفسى مش سمعاه .. علشان اللى مش بيعرف يحترم رأى اللى قصاده وفاكره .. جاهل .. يبقى غبى وجاهل .. ومايستهلش انى اتعب نفسى بالكلام معاه لانه مش هيفهمه !ليه بنحلم بنحلم ونبكى لما تضيع الفرصة ولما تيجى ونحققها ..نهمل حلمنا اللى اتحقق بكل بساطة وسهولة .. !.. ليه علشان اتحقق بندور على غيره ليه مانحافظش عليه ومعاه ندور على غيره بتعرف تكذب ! .. اللى هيقولى لا يبقى كذاب ... والله كذاب .. عارفين .. اللى يقولك ان الكذب حرام ومش عارفة ايه .. بتلاقيه بكذب اه او بيجمل يعنى ممكن علشان مش عاوز يروح فى مكان مثلا يقول انه تعبان ! .. هو فى وجهة نظره كذبة بيضة .. وفى وجهة نظرى هى كذبة .. كذبة وخلاص .. وعند ربنا هتُحسب كذبة .. ربنا مايعرفش الالوان اللى احنا بنلونها دى .. بس ارجع واقولك .. ربنا غفور رحيم .. واوعى تكذب على حد وتقولوا انك مش بتكذب .. علشان انت كده بتكذب على نفسك بس على فكرة ... وخلى بالك إن الكذب مش صفة ... الكذب عادة بنكتسبها من الدنيا ... مش هكذب على نفسى واقول انا وصلت للى انا عاوزاه اللى عاوزاه لسة بدرى اووى عليه .. انا طموحاتى مش بس اللى انا فيه دلوقتى .. واللى بيفتكرنى مغرورة ولا شايفة نفسى ..يبقى اهبل .. لانى لسه صغيرة أووى .. وطول مانا شايفانى كده هعرف اوصل لكن لو انا شوفت نفسى كبيرة أوى هتغر .. ربنا يستر واعرف اكمل .. وفى كل الاحوال .. الحمد لله ربنا .. كريم وكبير أووى .. واجمل حاجة انك سهل تكلامه .. وسهل تحسه .. حتى لو مش بتصلى ولا بتصوم .. بس جووااك بواادر خير .. صدقنى هيسمعك ويحسك ويستجييب ليك .. ادعيله وأوعى تفتكر ان الدعوة اللى الناس بتتدعهالك دى شوية جمايل وسط الكلام .. دى حاجة كبيرة أووى عند ربنا والله .. انك فكره فى كل كلامك ومع كل الناس.. دى حاجة مهمة وجميلة أووى .. .. الدعوة دة مش مجرد عادة بنعتاد عليها فى الكلام ,اوعى تقولها من غير ماتحسها .. اووعى.. ياريت تفهمموها وتحسوها صح .. : )بس كدة
0 comments:
إرسال تعليق