فى شخص قالى قبل كده إن مفيش أبيض غير ربنا الحقيقة هو قالها بطريقة شدتنى جدا , فكـرت كتيــر أوى فى الجملة دى , حسـت إن ربنا خلاه يقـولها بس علشان يخرجـنى من الحالة اللـى كنت فيها وعلشان يعلمنى إن بعد كده أفكر قـبل مــأخد على خطرى من الناس ,اكئيب نفسى!..
نفس الشخص فى نفـس اليوم وعـلى نفـس الموضوع , قـالى قولـى دايما " هــادى" . دلوقتى وفـى النوت دى هـستعملهـا ويـاريت مـحدش يـفتكرنى بـتعصب .. :)
انا عنـدى خـبرة!! ..
ليه الناس مـُصرة تـاخد عـن اللـى سنه صغير أووى إنه مـلوش ذكرياات او معـندوش أى خـبرات , أنـت تـعرف انا بتـكلم مـع كام شخص يـومياً , تـعرف أنا بـعمل فـى الـيوم كـام ذكرى وبستفيد قد إيه.. أكـيد متعـرفش , بـس فـى الموضوع اللى هـتكلم فيـه ده بـالذات لازم تـعرف ؟!وهـتعـرف فـى وقتـها ..
عـن الواحدة الوطنية هتـكلم ..هتقولـى وأنـت إزاى عنـدك خـبرة فـى المـوضـوع ده هقولك أصبر هتعرف فى السطور الجايـة
....أكيد الكل عارف أسمى وعـارف كمان إنى بـعتنق الاسلام الحمد لله .. بـس انـا مخـتلفة , مـختلفة لأن كـان بيتقال لى كتير .. إنى نص مسلمة ونص مسيحية؟! " الكلام ده مش فشر "
طول عمرى متربية فى مدرسة راهبات وطول عمر جرانى تسعيين فى المية منهم مسحيين.. كبرت على شوية مبادئ وللأسف عمرى مـا هسعى إنى أدمر المبادئ دى , لانها فى أعتقادى صح .. " يعنى المسيحيين مالفوش دماغى" , انا اتربيت وسـط نـاس مـش من دينى وعلـى حسـب أقوال الـمجتمع بتـاعنا إنه كـره لـلدين الاسلامى!! , متتـعجبوش لو قولتلكم إنهم كـانو مهتمييـن يعـلمونا إزاى نحـب دينـا , مـاتتـعجبوش لـما أقول فـى سنـة من السنــين راهـبة حاولـت تـقول كـلام "عــيب" على مسلمين الفـصل والمـسيحيين هـما اللـى أشـكوها " تــتخيلوا وصـلنا لدرجة إننا نـقول إنهم بـيعملكم كـدة عـلشان صـورتهم تـبقى أحسن مـنكم؟" طـب مـاهو فـعلاً بــاللى إحنا بـنعمله كـا مسلموون فـيهم وبـنقولوا عـليهم هـما أحـسن؟!
فـين بقـى الـخبرة فـى الموضـوع عـلشان مـحدش يـقول انت مـاقبلتيش و متـعرفيش كـالعادة .. انا قـعدت 12 سـنة بقــابل مـثلا 100 مسـيحية و20 مسـلمة يـومياً , مـواقف وكـلام و أحزان وأفـراح , بجـد بـقى مش أى كـلام اللـى كـان بـيدخل الجامع هـو هـو اللـى كـان بيدخل الكنيـسة..واللـى كـان بـينسى يحفظ القرأن ولا الانجيل كـان بيتـعاقب عقـااب شـديد
..مـرة حد قـال عـلى الفـيس بوك إنه لسه فـي واحدة وطنية؟!
انا رديت عليه بسرعة وقلت له لأ مـفيش مـن غير تـفكير مـع إنى كـان لازم أفكـر هـقولك لـيه بـالتفصيل الممل انا رديـت كده
تـعرف يعنى إيه لمـا مـسلم يـقول يـارب ربـنا يـقلل مـنهم .. دى دعـوة تتدعـى ؟!
تـعرف يـعنى إيـه لـما جاارة مسـيحية تـضحك فـى وش المـسلمة وتـقولها بحـب عـاملة إيه ومـن وارها تـسب لـها مـيت ملة ؟!
تـعرف يـعنى إيه الـمسلم يـدور الاول إذا كـان الشـخص ده مـسلم ولا مـسيحيى علشـان يـعامله بـطريقة مـعينة ؟!
تـعرف يـعنى إيه المسيحي يـحس إنه مهـدور حـقه ويـحس إن المـسلم هـو اللى واكل كل الفرخة ؟!
تـعرف لمـا واحدة مسـلمة تـقول أصل الدكتور المـسيحيى .. ولا كأنه دينصوور قرب يـنقرض فـاهى بتـقول كـدة على سـبيل تـعريفه ؟!وغيرهم من التفاصيل المملة المقرفة اللـى مـلهاش لا لزمة ولا مـعنى ..وتقولـى وحدة وطنية والجـامع جـنب الكـنيسة يـاعم الجامع و الكنيسة جنب بعض على عينى .. بس مـش طايـقين بعض ودى القضية بصـو انا اتربيت على إنى ماسألش اللى قدامى ده إيه ديـنه الايـام هى اللـى هـتعرفنى .. أتعلمت إزاى بجـد أقسم للقمتى مع البـنى أدم اللـى قصادى إين كـانت مـلته .. طـول حيـاتى كتـف فـكتف واحدة مسيحية أخت وصديقـة مالقتش حاجة من اللى عملتها معايا مسلـمة عمـلتها!!انا مش مـع المسيحيين ضـد المـسلميين أو الـعكس .. انا بـس نـفسى أحافظ عـلى مبدأ واحـد صـح اتعـلمته فـى البـلد دى..فـا لما يـجى المـجتمع بكـل بسـاطة وقـرف يحـاول يدمـر ده يـبقى كفـاية بقـى, اللـى حـصل فـى نجع حـمادى ده قـرف .. هتـقولوا صـعايدة وبيـخدوا بـ الثـأر هـقولكوا أنا مـتعودتش عـلى إنى أسـمع إن كـل الـعدد ده يـموت فـى حكـاية زى دى مـرة واحدة؟! ده غـيل واضح بـين المسلمون والمـسحيين والـعكس , أصل مـش كل الـبلد زيـك وزيى وزى أصحابى تـعرفوا إيه اللـى ضيقنى بـجد .. إن صحـبتى أفـكرتنى بـستهزء باللى حـصل لـمجرد إنى مـاكنتش لسـه عـرفته وكـنت بـسألها إيه اللى حصـل وعملتنى على أساس إنى عدوة لأول مرة , اللى بـجد قـتلنى إن الشـعب مـش حابـب يـكون فـى عـشرة فـى المية بيحبوا بعض بجد مـن غيـر عقد ولا كلاكييع ... لـيه كده ؟!
فـعلاً مـفيش أبيض غـير ربـنا وإحنا كـتير بـنغلط وهـو اسمه الرحـيم يـارب يرحمنا يـارب
كـفاية بـقى تعملوا نـفسكم متتدينيين وأنتوا ولا تعرفوا حـاجة عن الايـمان والتـدين!
كـفاية بـقى يامـصريين نـفاق
كفـاية بـقى كـذب
كـفاية حـقد
كـفاية تأخر
كفـاية قلة قيمة
كـفاية قلة ديين
"الديــــــن مـعـــــامــلة "
ولا شكـلكم نـسيتوا يـعنى إيه الـجـملة دى أصلاً
هيا حسن
010-1-16
0 comments:
إرسال تعليق