بتكفــرونى؟!!

اخر كام اسبوع مروا عليا كنت بفكـر بـس ، مش عارفه أعمل أى حاجة تـانية غيـر التفكير وماكـنتش بـفكر فـالمشاكل بس ، المشاكل دى حاجة بتنسينا الحاجة الاهم اللى المفروض نفكر فيها ونقرب لها وندور فيها عن الصح

وهى ربنا ، فكرت كتير أوى فى ربنا ، فكرت إنه ليه عطانا كل حاجة وبعد كده وهب لنا الحياه إيه قيمتها وإيه حكمته بعد ماعرفنا ان ده هيحصل وده هيحصل وان قدرنا كده ! كنـت كل مـااروح اسأل حد سؤال وصلت له بى التفكير فى الكون والخالق عز وجل يقولى أوعى تخلى تـفكيرك يكفـرك ويخليكى تشركى بالله . إزاى يعنى ! هو إنى عايزة أفهم وإنى بـفكر فـى ربى! ده كـٌفر، الحقيقة ما أقتنعتش وفـضلت أفكر أكتر فـيه وادور وأسال ناس كتـير وأستحمل اللى بيتقال وإنى لازم اوقف تفكـير كده ، فـكرت فى شكل ربنا وشكل المكان اللى موجود فيه ،وسألت ليه السؤال دة بذات الناس اجمعت انى ممكن أكفر عشانه مارتحتش إلا من الاجابة اللى فيها أيات من القران الكريم ، وإن ربنا ماينفعش نتخيله لانه مش شبه اى حاجة هتيجى فى بالنا ولا حولينا لمـا اقتنعت إنه مـاينفعش أفكر فى شكل ربنا ومكانه ، رجعت وقلت برضو عادى كده الناس تفكر بعضها عشان عدم المعرفة! ، طب ياسيدى انا كنت جاهلة إزاى تـكفروا جاهل قبل ما تعرفوه !!

انا بغلط ومعترفة إنى بغـلط وبرجع اعمل الغلط تـانى وده مـش صح ويـمكن ضعـف شخصية ، بس بلووم نفسى وعمرى مانسيت اللى خلقنى بفكر فيه بزيادة عن بقيت البشر وبربط غضبه وفرحته بيابـ اصغر حاجة بتحصل فى حياتى ، بس لما فكرت إزاى تكون المشاكل هى الاختبار الوحيد للإنسان ، إزاى كل بنى ادم تحصله مشكلة يقول ده اختبار من ربنا ، ماشى يـاسيدى هو اختبار بـس على خفـيف

انا شايفة ان اصعب اختبار ربنا بيختبرنا به هو إنه حاطط جوانا "شـر" و"خـير" إزاى انا اعرف أوظف خيرى للدنيا وللأخرة وإزاى اقدر أتغلب على الشر اللى محطوط ومفروض عليا ..إزاى أكون خيـر بـافعالى وكلامى وأبتسامتى وعلاماتى ونظراتى ، إزاى أكون خير حتى فى احلامى

للأسف قليليين أوى اللى ملاحظين إن الخير والشر اختبار وأختبار صـعب جدا كـمان ، قلة إيمان إن الانسان مايعرفش يتحكم فى نفسـه ويوصلها للخير ويعمل الخير مش عشان يتردله بخير ، يعمله علشان اللى خلقه

أى بنى ادم خير ربنا سبحانه وتعالى بيجزيه بالخير من غير مايحس ،