شئ غريب إنك تكون لوحدك , تحزن وتفرح وتضحك وتبكى لوحدك ! .. إنك تكون قدام النـاس إنسان قوى لا تهزه مشـاكل ولا مواقف ولا هموم ولا يفرق بُعد النـاس عن قربهم .. لكـن مـن جوا قلبك تـكون ضـعيف ,خـايب و دموعك بـتنزل قصاد اى هم أو أى بُعد وفراق ..
أحـساس غبى إنك تفضل تحب النـاس والنـاس مـش فارق معاها ... إنك مش لاقى قلب طيب .. ولا نفس صافية تحبها . لا اصحاب ولا حباب ولا حتى قرايب بيحسوا بيك ولا بيهتموا .. دايـماً نفـسك تحس إن فـيه حد جنبك حد إيده فـى إيدك , خـايف عليـك وعلى حيـاتك بجد مـن قلبه مـش يكلمك عشان عاوزك مصلحة ! .. حد ممكن يدفع كتير علشانك .. هيفرق مـعاك إنه يكـون فـى حيـاتك و هيفرق معاك إنك تحس بجد بيه كل يوم وإنه يثبت لك يوم بعد يوم إنه ليك انت بس ! .. هيفرق معـاك إنك تلاقى حد تستاهل تبقى كويس عشانه إنك تتغير وتعمل قرد علشان ترضيه .. هيفرق مـعاك إنك مـاتنيموش زعلان ولا مكسور حتى لو هو كـان كسرك ومضايقك .. إيوه هيفرق معاك لإنه انت هيكون عندك الحجة اللى تقول لنفسك بيها انتوا واحد روح كلمه وماتسبوش ينام زعلان ولا مكسور ابداً طول ما انت موجود ..
احساس قوى إنك يكون لك حد طيب وجدع وحنين .. إنك تحس بإن لو الدنيا قفلت هتروح وتحكى وتبكى فى حضنه ..احساس قوى إنك تقدر تمسح دموعك بس علشان عايز يشوفك مبسوط .. وإنك تديله كل حياتك وتتمنى كل ايامك تكون معاه حتى لو مش فى هنه مش مهم .. المهم إنك هتفضل معاه وطول ما فى بينكم حب واحساس وكرامة وامان وثقة هتقدر تقلب الشر الخير والهم هنه ..
احساس جميل انك تقطع كل صفحات حياتك عشان عايز تبتدى حياه جميلة نضيفة بس معاه ..
وطول ماانت بتحب هتعرف تخلى نفسك فرحان علشان فى حد يستاهل يشوفك من جواك كويس ومبسوط .. وتخليه يخد من فرحك
فرح وتبقى الدنيا اسهل :)
جامدة أوي و جميلة جدااااااً الأحاسيس القوية دي
ردحذفبس مؤلم أوي اللي قبلها
بس هي دي الحياة
^ـ^
وحشتني طلتك و كتاباتك يا هيا
^ـ^