انا مصرية
عربية
مـسلمة ..
بـحب بلدى ,, نـاسها وطيبتها وترابطها
بـحب مصطفى حسـنى
و عمرو دياب .
بعشق صوت حليم اللى شغـال على الكورنيش أربعة وعشرين ساعة
وبحـب صوت الشيخ اللى بيأذن فـى المسجد اللى جنب بيتنا
وبحب شكل الصليب اللى حاضن الهلال
فخورة بإنى ماعنديش عقدة مـن
ناحية إى ديانة تانية
انا نفـسى أحب !
نفـسى ألاقى الراجل اللى كل البنات
بتحلم على نفسـها به
يـكون عريض
وطويل
جدع وأبن بلد
حنين وطيب
و مــــسلم !
اه والله , أمنية من امنياتى إنه يكون مسلم , بـس إزاى أصلا تبقى دى أمنية ! , دى حاجة المفروض إنها تكون طبيعية , انا مسلمة فالطبيعى هحب مسلم وهتجوز مسلم . أصل تخيلوا كده لما أحب واحد مش من دينى وهنقعد نحلم بالبيت والاطفال ونبنى فى حاجات حلوة اوى هيسلم بقى مش هيسلم مش هتفرق , لإنى كده ولا كده فـ انا هعيش مع واحد كـل عاداته الدينية وأسلوب حياته مختلف ولو اسلم فـ انا كده هعيش مع واحد نصه مسيحيى مثلا ونصه مسلم !
طيب ولادى هيتربوا إزاى ,,وهما نصهم مسلم ونصهم مسيحى .
الغريبة بقى إنى لاقيت بنات كتير وشباب كتير بيحبوا بعض مش من دين بعض .. هى تقولوا انا هتحجب وهو يقولها يلا اشوفك بعد ما اجى من الكنيسة! طيب إزاى إزاى يفضلو يضحكوا على بعض كده وإزاى كل واحد يقبل إنه يحب حد مش من دينه وكمان يقعد يبنى فى وهم ويحلم معاه بدنيا أحلى وفجاءة يعمل نفسه مصدوم بالوقع إنه مش هينفع أو يكمل والحياه تفضل مبنيه على وهم !, طب يعنى هما كانو البنات المسيحييات خلصوا من الدنيا ولا الشباب المسلم خلاص أنقرض
إزاى بتقبلوا على نفسكوا كده وليه ؟ السؤال ده محيرنى وماحدش يقول الحب !
ما انا بحب زميلى المسيحيى بس عارفين حدودنا وعارفين إن كل واحد هيفضل متمسك بدينه للأبد
انا مسلمة ولا احترم اى بنت تحب ولد مسيحيى وبتجنب الكلام معها أساساً
مـش تشدد ولا عنف ولا اى حاجة .. انا بقول لكم إنى مش معقدة
انا متربية بين ناس من دينى وبحبهم بس عارفة حدودنا كويس اوى
وعارفة ان كل واحد فينا بيحب دينه ومالهاش اى لازمة
إننا ندخل فى حوارات غريبة ممكن تخلينا نضايق من بعض
واحياناً بيكون فيه خسائر كلنا عارفينها
هو عدم تقبل للأختلاط الزائد اللى بقى فى مجتمعنا !
حلو إننا نحب بعض
وإننا نبىق فى ترابط بينا
نتشهر بيه
إننا متميزين بترابط مجتمعنا الدينى
لكن نعرف الحدود
ونحافظ على الدين
شويــة
وقبل ماتسمحوا على نفسكوا
وتحطوا الشماعة
بالحب
فكروا وفكروا كويس
علشـان إحنا كده عدينا
كل الخطوط الحمرة
والصفرة والخضرة !!!!!!!
وكده بقى كتــير اوووى
بقالى شهر ماكتبتش
لمو اخذة لو فى حاجة كده ولا كده :D
HAYA HASSAN
0 comments:
إرسال تعليق