ليه النـاس مكلكعة كده ؟
بدور على حاجات بعيدة اوى تسعدها وهى قدامها كل حاجة كويسة !!
ليه مش بتبص على اللى فى ايديها وتحاول مجرد محاولة انها تسعد نفسها به وبعد كده تدور على البعيد ؟
ليـه بنفكر فى الماضى ونضايق وبعدين نقول هو إيه اللى وصلنا للهم ده كلوا ؟
ليه أغلبنا مابيرضاش باللى بيوصل له ويقول الحمد لله ,, ليه بيحس إن اللى وصله ده ولا حاجة وإنه فشـل فـاييـأس ؟
ليـه بنستسلم للوحدة ومانستغلهاش ,, ليـه بنـتعب لـما يكون مـفيش حاجز بينا وبين نفسـنا باالوحدة ؟
عـايشين الدنيا ولا مـاشين فيـها وخلاص !!
لـيه بقـينا نـفقد إحساسنا بنظرة أو ضحكة طفل صغير لسه برئ وعينيا مليانة حياه ؟
لـيه بندور دايماً على إن حد يسعدناونضايق لما مانلاقيهوش على الرغم مـن إننا لما بنسعد او بنساعد حد بنـرتاح ونحس إننا عملنا حاجة فى الدنيا ؟
كل يوم فى ألف حكاية بـتبدى وتخلص وللأسف مش بنحس ولا بنعرف قيمة اللى بنعدى عليه ولا اللى بيحصلنا غير بعد مايفوت الاوان ,, كل الاسئلة دى انا سالتها وبسألها ومش لاقية رد مقنع لها ,, فى ناس بتقول علشان إحنا اصلا جوانا تناقض بين كل حاجة كويسة وسيئة ماشى انا معاكوا بس مش المفروض برضو إن السئ هو اللى يبقى أكتر ,, احنا بقى اتعودنا إن السئ هو السايد
مـش لاقية كلام تانى .. بس فكروا ليه بنعمل كل ده ونرجع فى الاخر نقول إننا مخنوقين من الدنيا ومش طايقين حد فيها ,, ليه بنلوم النـاس وكل واحد فينا هو اللى بيضيق على نفسه الحبل فـبيتخنق .. على فكرة بقى كل واحد هو المسئول عن أى حاجة بيعملها وبيبقى عارف إن ده هم وبيروح له ,, كل واحد فينا لو مش عايز الهم والحزن يجى له مش هيجى البنى أدم عنده قدرة على سعادة نفسـه
لـما مـايكلكعش الدنيا ويـأزمها
لـما يفكر فـى كل حاجة بـنظرة أمل وإيمان بالله
لـما يحب نفــسه جداً
ويعرف يـحب غيـره ويتـقبلهم جداً جداً
http://www.youtube.com/watch?v=AfuNOge0Ps8&feature=related
:))
0 comments:
إرسال تعليق