أغلى من نفسى :)

عارفين , لما ربنا يرمى فى طريقك شخص يغير مسارك كله ويخليك باقى على الدنيا علشان بس تكون قادر تسعد الشخص ده . لما تفرح وتبكى وتاكل وتنام ونخرج وتخطط مقالب معاه , لما حد يجى فى حياه عاملة زى الصحرا فاضية ومملة ولونها شاحب مافيهوش لون الخضار اللى يحلى الدنيا فى عين الناس ويغير كل حاجة فيها , يغير طعم الاكل اللى بتكله مع إنه هو هو , يغير شكل الدنيا فى عينك , يغير ريحة وشكل واحساسك بالاؤضة اللى عايش فيها من زمان وعمرك مابنيت فيها ذكرى غير لما هو دخلها ,لما يحلى فى عينيك حاجات عمرك عمرك ماكنت تفكر إنها تحلى فى عينيك ابدا , لما تحس إن كل حاجة فى الدنيا دى انت تقدر عليها عشان تشوف بس ضحكته !!

كل دى حاجات تقشعر الجسم وتخليك مبسوط لما تحصلك تخليك مش عايز حاجة تانى من الدنيا , طب مابالك بقى لما يحصلك اكتر من كده , لما ربنا يبعت لك شخص احسن واكبر من كل الصفات اللى فى الشخص اللى فوق ده تفتكر هيبقى سهل عليك تسيبه؟! اللى هيبقى سهل عليك هو إنك تحس إنه اغلى من نفسك , إن قيمته عندك اغلى بكتير اوووووى من قيمة نفسك عندك !!

انا اكتشفت إنك اغلى منى عندى , اه زمان كنت عارفة وحسه إنك جزء من حياتى وحد غالى عندى جدا , بس دلوقتى انا حاسة إنك اغلى عندى مش من كل الناس بس اغلى منى اناا شخصية , إنك مش بس جزء من حياتى , انت حياتى نفسها ..

والله ماكلام تعبير ولا اى حاجة , انت اغلى عندى من النفس اللى انا بتنفسه وساعة ما حسيت إنك خلاص هتبعدى حسيت ان روحى بتتسحب منى , كان هاين عليا اقولك ماتسيبنيش ..

مهما حصل مابينا ومهما بعيدنا , مافيش حد هياخد مكانك فى قلبى ولا فى حياتى , ويارب يارب يارب يعدى الوقت ده بسرعة ويعديه وانت مبسوطة عشان اكون انا كمان مبسوطة ..

واقسم لك بالله ..

انك اول ماتخطى على ارض بلدنا تانى .. روحى هترجع لى تانى!!!

خلى بالك من نفسك و منه وانبسطو وعيشوا حياتكو ...

هتوحشييييييييييييييييييييييييييييييييييييييييييييييييييييييييينى يا اغلى واحلى من حياتى كلها ..

<3>

<3>

<3>

<3>

<3>

<3>

<3>

<3>

<3>

<3>

<3>

<3>

<3>

<3>

:(((((

b7bk awiiiiiiiiii ya do3 :)