الإنسان جواه خليـط عجيب من الحزن والفرح ,الإنسـان يقـدر يعيش بالهم لفترة طويلة ويـنام كل يوم بالعافية من كتر البكا , ويقدر برده يعيش بالفرح لفترة طويلة ويتهد من كتر السعادة والنشاط اللى بتكون عنده ,, لكن صعب جداً إنه يعيش بى الحزن أو الفرح بس . وإن كـان فى حد بيقول إن هو دايمـاً يـأس ومُحبط وكئيب طول حياته وعارف يعيش مـن غير مايشتاق للضحك يبقى كذاب , مـاشى يمكن يكون الحزن بيغلب الفرح فى أوقات كتير علشـان كده بنحس إن عادى نقدر نعيش من غير مـانضحك وإن خلاص ده بقى الطبيعى بتـاعنا الحزن ! , مـش هقول غير ابتسم واضحك وافرح علشان فرحتك دى مـش بس ليك فرحتك دى زى مابتريحك ,بتريح كل اللى بيحبوك وبيستنوا إنك تبص لهم وتضحك علشان يفرحوا.
وانا من النـاس دى على فكرة :)
إن حلمت بحاجة وعرفت تحقق منها حاجة أو تاخد خطوة و فجاءة تلاقيها بتتـأجل غصب عنك مـاتحزنش وتبعد عنها بالعكس خليك قريب حافظ على الخطوة اللى حققتها ويمكن ربنا أجلها عشان عايزها تحصل بشكل أحسن ,, وإن شاء الله هتحصل لو ربنا عاوز ,, وخليك مـؤمن إن ربنا دايماً الوحيد اللى احاسس ودارى باللى جوانا وهو الوحيد القادر على إنه يخلينا بنضحك وفرحنين ويهون علينا .
صعبة الوحدة صخ !! ,, فعلاً الوحدة صعبة جداً واللى بيدخل فيها صعب يخرج منها وصعب يلاقى حد جنبه غير اللى خلقه,, على فكرة الوحدة دى بتقرب الانسان من نفسه أوى وبتخليه مش معقد زى ناس كتير حياتهم مليانة ناس .. بس عارف تبقى غبى لو انت اللى اخترت إنك تكون وحيد ,, لما تحزن وتلاقى حد بيطبطب عليك أحمد ربنا وأوعى تقول للشخص ده أنا هبقى كويس لو لوحدى فى غيرك كتير مش بيلاقى إيد تطبطب عليه .. اوعى تدخل نفسك فى هم الوحدة أبداً طول ماانت حواليك ناس ..
الحب لسه مـاحدش فـاهمه ولا مقدره فى الزمن ده بـس لأمتى ؟
سمعت إنك لما تحب الناس ده بيدول على حبك لنفسك ولربنا
والحب مش كلمة بحبك وشوية خوف
الحب اكبر مـن كل ده
إنك تغفر لحد ضايقك بجد عشان بتحبه
إنك تسـاعد حد ماتعرفوش
الحـب إنك تحس
إنك تقدر
وياريت يكون فـى حد دلوقتى
بيقدر إنك بتحبه !!
علشان كده الدنيـا بقت صعبة ورخمة
عشان مش بنقدر :)
0 comments:
إرسال تعليق