يـامصرين!!

من البداية ..
انا ماعرفش حاجة عن السياسة وكلامى ده مجرد فكرة بتعبر عن شعورى وفكرتى اتجاه اللى حصل من تخريب وتدمير لبلدى مصــر وماكنتش مستنية ثورة ولا انتفاضة ولا اى حاجة تعرفنى وتحرك مشاعرى اتجاه بلدى لإنى عارفة انى طول عمرى بحبها وفخورة إنى اتولدت على ارضها ..

أولا ..
مش هعيد كلامى عن بداية فكرة الثورة , انا كنت ضدها من البداية أو مش ضدها انا كنت حاسة ان الدنيا مش هيحصل فيها حاجة , بس اللى حصل اكبر من كل فرد فى بلدنا زى مابيقولو وسعت من إيدينا !
انا مش ضد الرئيس محمد حسنى مبارك .. انا مش بكره كاراجل ليه تاريخ وماضى مشرف لبلدى
وفى نفس الوقت انا مش معاه ابدا فى اخر سنين حكمه ,, انا بس بحب اشوف نص الكباية المليان وبردو بحب اشوف نص الكباية الفاضى ..
وبردو انا مش على الحياد لانى ممكن اكون بميل بفكرى للناس اللى فى التحرير ..
لكنى ضد وجودهم لحد دلوقتى فى التحرير ..

يعنى ..
الرئيس ده راجل عيشنا فى سلام 30 سنة واهتم بعلاقتنا الخارجية بالدول واصبحت كل الدول بتحترمنا وبتقدر قيمة المصرى ..
الرئيس حارب عشانا وحافظ على البلد ومعرضش اى شاب مصرى انه يحارب ..
بس اللى انا ضده إنه اهتم بالخارج واهمل الداخل ..
وهنقول ماشى انه مش صح انه يسهى عن الناس اللى تحته وكان لازم يشوف هما بيعملوا ايه
انا ضد زيادة الاسعار ..
انا ضد الجهل
وضد التعليم اللى من بعده هنكون بنبتدى نتعلم
انا ضد انه كان بعيد عن الشعب
وضد البطالة
والناس اللى عايشة تحت مستوى الفقر ...
وضد الفساد
وده بيوضح إنى بميل للناس اللى فى التحرير ..
لكن انا ضد ..
ان الرئيس محمد حسنى مبارك
اللى اكييد اكيد زى ماكان له عيوب كتير اكيد
كان له حسنة واحدة فى كل بيت مصرى ولا إيه !
احنا بنخلط الامور بزيادة
يعنى الناس اللى فى التحرير شايفة نص الكباية الفاضى من حياه
الرئيس محمد حسنى مبارك ...
ومصيرة ماتشوفش نص الكباية المليان او حتى ربعه !

انا ضد الخراب لبلدى باى حال من الاحوال
ضد انى اخد ابنى اللى ماكملش 10 سنين
مظاهرة ولا اعتصام ..
بكفر وبقول ان قائد ورئيس البلد الحالى
انه صهيونى !
انا ضد امر ارحل
انا ضد الاهانات الكتيرة اوى
اللى اتوجهت له ..
اعترض واغضب وعارض بس اوعى
تركب نفسك غلط ..
واوعى تعترض بدون تفكير ولا عقل
اوعى تشوف حاجة ضيقتك فاتغضب وتسرخ وتسب اللى قال واللى عمل ...
الراجل ده ادى مصر وخد من مصر ..
وعايزة افكرك إن
لو اى حد فينا شاف شحات فى الشارع ماشى كبير فى السن بيحترمه وعمره مابيهينه ..
انا ضد انى اربى ابنى واكبره واقوله
يابنى انت شاركت فى الثورة وانت صغير ورفعت لوحة مكتوب عليها ..
جنسية حسنى مبارك : صــهيونى !!
ولوحة تانية بتقوله :
يـاريتك كنت حربت 73 لإسرائيل
وحكمتهم 30 سنة !!

صعب اللى بيحصل وصعب ان حد يطلع غلبان من الموضوع ده
الكل غلطان
شرطة
وشعب
ورئيس

وعايزة افكركم ان اللى خرابوا ونهمبوا وحرقوا دول الشعب كان له عامل كبير فى انه يدلهم الفرصة ..
(الكل هيقولى لا دى خطة مدبرة , على فكرة انتوا اللى اديتوهم الفرصة انهم يعرفوا يعملوا عليكوا خطة مدبرة )
وكل الخراب ده هيطلع على دماغنا واحنا اللى هندفعوا ضرائب !

ده جزء بسيط من رأيى ..
جزء مختصر جدا جدا ...
لانى مش عارفة اطلع بقى اللى جوايا من كتر الحزن !

ارجوكوا فوقو وتعالو نببنى اللى خربناه

كل مصرى فى البلد دى كان له عامل فى اللى حصل !
ومحدش يقول انا
مـــظــلــوم
افهموا ان بلدنا على قد ماادنها النفس اللى كانت محتاجاه
على قد ماهى ضاع وخرب منها كتير ..
وياريت نحاول نلحق اللى خرب !

حبيبكم النبي يامصريين : خافو على مصر شوية

:(

بحــــبك يا بلدى !